منتدى انا بنوتة للبنات فقط

لو بتدورى على صحبة ولمة وكلام من القلب بجد
هنا كل البنوتات بيندولك وبيقولك تعالى معنا فى اخلى صحبة دنيا ودينا
^_^

منتدى انا بنوتة للبنات فقط

يارب لك الحمد كما ينبغي لجلال وجهك و عظيم سلطانك
 
الرئيسيةاليوميةمكتبة الصورس .و .جبحـثالتسجيلدخول

قريبـا مجـلة منتـدى انا بنـوتة ....نرجوا لمن ترغب بالتسجيل فى المجلة تسـارع بالاشتـراك من هنامن هنـا يا قمر

 


شاطر | 
 

 نــــ،ـــداء عـــــــــاجـــــــــل لــــــكــــــل المـــــصــــريــــيــــن

اذهب الى الأسفل 
كاتب الموضوعرسالة
journalist nor
ّالمديـرة العـامةّّ
ّالمديـرة العـامةّّ
avatar

نقاط : 32465
مشكـورة : 49
عمـري..~ : 18/07/1997

عمرى : 21

مُساهمةموضوع: نــــ،ـــداء عـــــــــاجـــــــــل لــــــكــــــل المـــــصــــريــــيــــن    الجمعة يوليو 08, 2011 7:24 am

ايها الاخوة المواطنون في كل مكان اعزكم الله
وحفظ الله الوطن من كل سوء

انا حبيت اكتب الموضوع ده لما استشعرت الخطر على علاقتنا ببعض
من خلال عدم تقبل البعض اختلاف وجهات النظر فيما بيننا
واللي ممكن يكون نتيجة لاختلاف العقيدة

او الانتماء و التيار السياسي

حبيت بس انقلكو مشاعري ومشاعرنا كلنا خلال الثورة

ايام الثورة ...........

انا ولاول مرة في حياااااااااااااتي احس اني ليه قيمة

اقسم بالله اللي انا حساه لا يوصف

على الرغم من الانفلات الامني اللي كان موجود بعد الثورة
والرعب اللي كنا عايشين فيه و تخبط الرؤية والحاله المزاجية السيئة

واللي اتلاحظت حتى هنا بينا في المنتدى

الكل كان مترقب ايه اللي هيحصل بكره

هدفنا كان واحد على اختلاف انتماءاتنا

هو مــــــــــــــصــــــــــــر

يا رب احفــــــظ مصر

لسه فاكره ملامح الدكتور الجامعي جارنا وهو ماسك الشومة وبيحرس تحت العمارة

ويوقف الناس انت رايح فين ولمين بطاقتك

لسه فاكره العسكري بتاع الجيش اللي دخلني استخبى في نادي القوات

المسلحة في عز الضرب وانا منتقبة وطبعا

(نوادي القوات المسلحة ممنوع دخول المنتقبات)

فتحلي الباب وكسر الاوامر ودخلني


وهو لا يعرفني ولا اعرفه

لسه فاكره شباب الشارع اللي كنا بنقول عليهم معندوهمش انتماء

وهم شايلين العصا والشوم وبيحموا شوارعهم وعرضهم وبنات شارعهم

لسه فاكره الجوامع وهيه بتقول حي على الجهاااااااااد من مات دون ماله فهو

شهيد ومن مات دون عرضه فهو شهيد

احموا بيوتكم يا مصريين

لسه فاكره مناظر

رائعة للستات والبنات والشباب وهم بينظفوا الشوارع

دي بلادنا بتاعتنا احنا هنبنيها ونعمرها ونعليهم

مصر لينا كلنا

لسه فاكره المسيحين وهم مشبكين الايادي بيحموا المسلمين وهم بيصلوا

لسه فاكره المسلمين وهو بيحموا قداس المسيحين

يااااااااااااااااه ذكريات جميله وان دلت تدل على ان احنا شعب عظيم



انا حاسه اني عارفاك من ملامحك ومن طيبتك ومصريتك اللي على طبيعتك

شكرا ليكو كلكوا

شكرا لكل المصريييــــــــين

انا بمشي في الشارع

اقسم بالله اقسم بالله بجد بحس ان كل واحده اختي وكل طفل ابني وكل شاب اخويا وكل

راجل كبير ابويا

ايه الدفء ده ياااااااه علينا يا مصريين

احنا جٌمااااااااااااال اووووووي



وبعد كل المشاعر دي ليه بقى كل المشاحنات دي

يا ريت تفضل المشاعر دي جوانا نعيش بيها

نفهم حاجة واحده

ان دي بلادنا كلنا وكلنا عيله واحد اسرة

واحده مهما اختلافنا بنرجع لبيتنا ونام فيه

مع بعض


موضوع المرشحين بتوع الرئاسة

خلينا نتفق على حاجة

اللي هيكون رئيس لمصر مكتوب في سجل الغيب عند الله عزوجل

خلااااااااص رفعت الاقلام وجفت الصحف

هيكون فلان الفلاني رئيسا لمصر بعد الثورة

تمام


طيب انا شايفة اني س هو المرشح المثالي وص لا

ده رأيك

لكن انت تراهني على ده


لا

انت تعلمي الغيب ما هو ممكن يكون ظاهره كويس وباطنه لا يعلمه الا الله

صح

دي نقطة

النقطة التانية

الاخت اللي بتقول ص هو ده رأيهها مش معنى اختلافي معاها في الرأي


اني استهزأ بيها او اخونها او اتطاول على مرشحها

ماهو يمكن ص ده فيه الخير للبلد

اللي هيه همي وهمها

بس كل واحد بيشوف الخير من وجهه نظره

لكن الاصلح لا يعلمه الا الله مع احترامنا لكل المرشحين

طيب الحل

في نقط لاني رغيت كتير ارجو المعذرة
1-كلنا ندعو ونصلي ان يولي امورنا خيارنا ولا يولها شرارنا

يلا كلنا دلوقت على قلب رجل واحد

2- ان يكتب الخير لمصر سوء بالمرشح بتاعي او غيره المهم يكون معاه الخير

والصلاح لامور البلاد والعباد

3- انا راضية بقضاء الله حتى ولو مش على هوايا حتى ولو مرشحي مش

هيفوز انا راضية لان اكيد اللي هيفوز هو اللي معاه الخير

( انا دعيت فاكيد ربنا هيستجيب........)
(حسن ظن بالله)

3- بلاش التخوين والسخريه
لان في الاخر كلنا مصريين وكلنا بنحب مصر

بس كل واحد بيحبها بطريقته

4- درء الفتن والبعد عن المواضيع

اللي توقعنا في بعض

وتشككنا في مصريتنا
"(الفتنة نائمة لعن الله من أيقظها)

وليكن شعارنا دائما

ايـــــــــــد واحــــــــــده

وهنـــــــــفــــضـــــل ايـــــــــــد وحــــــــــــده

ودم وااااااااااااحـــــــــــــد

اسفة للاطاله

بحبكم في الله

(اللهم اجعل هذا بلدا امنا وارزقه اهله من الثمرات )

والله لو انتى شايفة
الرجوع الى أعلى الصفحة اذهب الى الأسفل
http://banatnor.forumegypt.net
دينا
ّالمديـرة العـامةّّ
ّالمديـرة العـامةّّ
avatar

نقاط : 27109
مشكـورة : 11
عمـري..~ : 19/08/1999

عمرى : 18

مُساهمةموضوع: رد: نــــ،ـــداء عـــــــــاجـــــــــل لــــــكــــــل المـــــصــــريــــيــــن    الإثنين يوليو 25, 2011 8:40 am









<img src="http://t2.gstatic.com/images?q=tbn:ANd9GcT20eh6kCh1tw_PmkWiaanBhVVOiI_fhPjkE--w5cYlWIto2vi6"><br><img src="http://t0.gstatic.com/images?q=tbn:ANd9GcTNaohN1ZelsPAGEma_R2_550CxI0aBI3NSUiuSfQj9nDJ17xfkuA"><br><img src="http://t2.gstatic.com/images?q=tbn:ANd9GcS3yDnEQCGAjuFhRRHhZzaN6USYQ-8YBUVjM_BU_c7T90P9LmMFUg"><br><br>

كل سنه وانتو طيبين بمناسبة شهر رمضان ويارب يعود علينا بخير يا
احلي منتدي انا بنوته يارب

لما تلاقي نجوم السما مليانه ايمان
واما تلاقي الخير والحب فكل مكان
وماتلاقي هلال نور في السما فرحان
يبقي بعوده رجوعك لينا يارمضان


كل عام وانتم بخير

((انا في خدمة الاعضاء عايزين اي حاجه اي شكاوي اي استفسارات يرسلوني علي الخاص وشكرا))

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
سمر
نائبة المديرة
نائبة المديرة
avatar

نقاط : 29366
مشكـورة : 21
عمـري..~ : 05/03/1999

عمرى : 19

مُساهمةموضوع: رد: نــــ،ـــداء عـــــــــاجـــــــــل لــــــكــــــل المـــــصــــريــــيــــن    الثلاثاء يوليو 26, 2011 6:22 pm

شكراااا يا نـــــــــــــــور والتغيم منتاااااااااااااااز
الرجوع الى أعلى الصفحة اذهب الى الأسفل
http://banatnor.forumegypt.net/
journalist nor
ّالمديـرة العـامةّّ
ّالمديـرة العـامةّّ
avatar

نقاط : 32465
مشكـورة : 49
عمـري..~ : 18/07/1997

عمرى : 21

مُساهمةموضوع: رد: نــــ،ـــداء عـــــــــاجـــــــــل لــــــكــــــل المـــــصــــريــــيــــن    الأربعاء يوليو 27, 2011 8:27 am

يسعدنى مرورك دائما يابنت ابوها
الرجوع الى أعلى الصفحة اذهب الى الأسفل
http://banatnor.forumegypt.net
 
نــــ،ـــداء عـــــــــاجـــــــــل لــــــكــــــل المـــــصــــريــــيــــن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى انا بنوتة للبنات فقط :: «®°·.¸.•°° آلأقسام العامة°°·.¸.•°®» :: 彡O°قسم الحوار والنقاش彡O°-
انتقل الى: