هجورة البنورة بنوتة جديدة
نقاط : 47246 مشكـورة : 1
| موضوع: جدول لبرنامج يومي بسيط و مفيد في رمضان (تجربة شخصية) الأحد يوليو 17, 2011 4:37 am | |
| السلام عليكم و رحمة الله و بركاته (أنا كتبت الموضوع ده قبل كده بس الخط طلع بايظ جدا سامحوني فياريت الإدارة تقفل الموضوع الأول و تخلي الموضوع ده)
أخواتي الحلوات...ده جدول بسيط و سهل لبرنامجنا اليومي في رمضان حبيت أكتبهولكم بناء على تجربة شخصية و على طلب فتوكة جميلة معانا في المنتدى ربنا يفرح قلبها عاجلا غير أجل يارب
و اللي تحب تمشي عليه أو تاخد منه حاجات و تغير حاجات تانية
هو عبارة عن نموذج بسيط و قابل للتغيير حسب أوقات كل وحدة فينا و ظروفها زي الشغلو الدراسة مثلا و كده يعني
نبدأ بسم الله صلوا عالنبي صلى الله عليه و سلم
1- أول ما نصحى (ونحاول نعمل المنبه قبل الظهر للي مش بيشتغلوا فينا أو اللي واخدين أجازة زي حالاتي) نقول أذكار الصباح علشان نحصن أنفسنا و نصلي صلاة الضحى ركعتين علشان ناخد أجر صلاة الضحى
فضل صلاة الضحى
وردت أحاديث متعددة في فضلصلاة الضحى ، نذكر منها الأحاديث التالية
عن أبي ذررضي الله عنه عن النبي صلىالله عليه وسلم ؛ أنه قال : يصبح على كل سلامى من أحدكم صدقة ؛فكل تسبيحة صدقة ، وكل تحميدة صدقة ،وكل تهليلة صدقة ، وكلتكبيرة صدقة ، وأمر بالمعروف صدقة ، ونهي عن المنكر صدقة ، ويجزئ من كل ذلك ركعتانيركعهما من الضح" أخرجه مسلم
وروي عن أبي الدرداء و أبي ذر عن رسولالله صلى الله عليه وسلم ، عن الله عز وجل؛ أنه قال : "ياابن آدم اركع لي من أول النهار أربع ركعات ؛ أكفكآخره".
2- نقرأ ما تيسر لنا من القرأن إلى صلاة الظهر
3- نصلي سنة الظهر أربع ركعات قبله و ركعتين بعده و نصلي الظهر
4- نقرأ ما تيسر من القرأن
5- ممكن ننام قيلولة بسيطة
6- نصحى نعمل شغل البيت اللي علينا و نحضر الفطور أو نساعد في تحضيره و قبل ما نبدأ لازم نجدد نيتنا بإن وقفتنا في المطبخ دي كلها بنية إفطار صائم و الصائمين هما أهل بيتنا طبعا و بكده وقفتنا في المطبخ كلها من أول ما ندخل لحد ما نخرج هناخد عليها أجر تفطير الصائم فضل تفطير الصائم: عن زيد بن خالد الجهني قال : قال صلى الله عليه وسلم : " مَن فطَّر صائماً كان له مثل أجره غير أنه لا ينقص من أجر الصائم شيء " . رواه الترمذي ( 807 ) وابن ماجه و نحاول نشغل الراديو على إذاعة القرأن الكريم طول ما إحنا بنشتغل أو نحط كاسيت قرأن كريم أو نكتفي بالاستغفار و ذكر الله طول ما إحنا في المطبخ
7-نصلي العصرو نحاول نصلي هي مش من السنن الرواتب و لكن سبب لرحمة الله فضل صلاة أربع ركعات قبل العصر: قال صلى الله عليه وسلم : " رحم الله امرءاً صلى قبل العصر أربعا " رواه ابو داود والترمذي و من رحمة ربنا فينا إنو يعطينا سؤلنا و يفرح قلوبنا...يبقى ناخد بالأسباب و نحاول نصلي الأربع ركعات دي رجاء رحمة الله في الدنيا و الأخرة
8- نحاول نخلص شغل المطبخ قبل المغرب بنص ساعة عالأقل نقوم ندعي ربنا فيها كتيييييير لأنفسنا و للمسلمين و للأمة الإسلامية
9- ساعة الإفطارندعي بدعاء الإفطار "بسم الله اللهم إني لك صمت و على رزقك أفطرت و عليك توكلت" و بعدين ندعي بأي دعوة نخصصها لأنفسنا أنا عن نفسي بخصص دعوة ببقى مركزة عيها جدااااااا طول رمضان و بدعي بيها كل يوم عالإفطار بالإضافة إلى 30 دعوة بكتبهم على شكل نقاط و الأدعية بتجمع مابين أدعية للدنيا و للأخرة و بعلق الورقة في مكان أشوفه و بدعي كل يوم بدعوة من الأدعية ال30 يبقى ساعة الإفطار بنقول دعاء الإفطار+دعوة نركز عليها كل يوم+دعوة مخصصة لهذا اليوم
10- نصلي المغرب و بعده ركعتين السنة و نقول أذكار المساءعلشان نحصن أنفسنا و على فكرة أذكار المساء ممكن نقولها و إحنا في المطبخ بنظف بعد الفطار أو حتى قبل المغرب
11- بعدين ممكن نشوف برنامج مفيد مع أسرتنا بعد الإفطار و نحاول نبعد عن المسلسلات و الملهيات
12- نصلي صلاة العشاء و بعدها ركعتين السنة و بكده نضمن بناء بيتنا في الجنة بإتمام ال12 ركعة من السنن الرواتب
13- نصلي التراويح و لو ركعتين نقرأ فيهم من المصحف لو حابين علشان نختم و ممكن نقرأ ما تيسر بس حتى لو سور قصير بس المهم ما نسيبش الصلاة لإن فضلها كبير
14- نتفرج على برنامج ديني أو أي برنامج ديني لشحن همتنا في رمضان و بتكون كتيرة و جميلة جدا...بس أنا عن نفسي مش بحس بطعم رمضان لو ما تابعتش برنامج عمرو خالد بحس فعلا بروحانية رهييييييييبة و بحس برمضان بجد و كل ما أكسل ألاقي التشجيع في كلامه و هو عادة بيجي الساعة 11 مساء و أنا هبقى أتابع إعلانه و أقولكم أول ما ينزل...و ياريت اللي تعرف إعلانه و مواعيده تقولنا على طول
15- ممكن ننام علشان نصحى نتسحر...نعمل زيارة...صلة رحم...مكالمة بالتلفون لقريب بنية السؤال عنه و صلة الرحم...قراءة قرأن...متابعة برنامج مفيد...حفظ جزء من القرأن...جلسة أسرية جميلة فيما يرضي الله ...إلخ من الأعمال الخيرية البسيطة
16- نصحى قبل الفجر بساعة و نص أو ساعتين...نحضر السحور و برضو نجدد نيتنا إنها في سبيل تسحير صائم..و اتباع سنة الرسول صلى الله عليه و سلم لما قال: "تسحروا فإن في السحور بركة" وبكده ناخد أجر السنة
17- قبل الفجر بنصف إلى ربع ساعة ندعي ربنا و نناجيه لإن ده الوقت مبارك يتنزل الله فيه إلى السماء الدنيا و يقول: "هل من داع فأستجيب له؟هل من سائل فأعطيه؟ هل من مستغفر فأغفر له؟" و نستغفره لنأخذ أجر المستغفرين بالأسحار
أشياء يجب المواظبة عليها يوميا في رمضان: 1- قراءة القرأن 2- أذكار الصباح و المساء 3-الاستغفار 4- الدعااااااااااااااااء لأنفسنا و للمسلمين في ظهر الغيب 5- الصدقة و لو بمبلغ بسيط بأن نخصص 30 أو 15 جنيه نبدأ بتجميعها من الأن و نقسمها كل يوم جنيه أو نصف جنيه 6- إفطار صائم و دي سهلة جدا بس بمجرد إننا ننوي بتحضير الفطار لأهلنا إنه تفطير صائم يعني مش شرط إنه الصائم يكون فقير...بابا و ماما و إخواتك صائمين كمان و حبذا لو الفقراء طبعا 7- حضور مجلس علم أو درس دين بمتابعة أي برنامج مفيد على التلفزيون و ذلك لشحن همتنا و لطلب العلم المفيد 8- صلاة الشفع و الوتر 9- السنن الرواتب و أنا بشجع نفسي إني ما أسيبهاش بطريقة جميلة ...طبعا إحنا عارفين إن أجر السنن الرواتب بناء بيت في الجنة كل يوم و ده الحديث: قال رسول الله صلى الله عليه وسلم: "ما من عبد مسلم يصلي لله تعالى في اليوم ثنتي عشر ركعة تطوعاً غير الفريضة إلا بنى الله له بيتاً في الجنة" رواه مسلم فأنا كل ما أصلي سنة أقول خلاص باقيلي أربع ركعات بتوع المغرب و العشا ويكتمل بناء بيتي و كل ما أكسل أقول حرام على كم ركعة أهد بيتي وهكذا..
أما في العشرة الليالي الأخيرة بيكون في جدول إضافي بإننا نكتب لسيت بحاجات معينة و نحاول إنها تكون على قدر إستطاعتنا علشان مش نكسل...ليييه؟؟ تحريا لليلة القدر...و بلاش تنحراها في الليالي الفردية أو الوترية بس (21، 23، 25،...) لإن الأيام دي بيغلطوا كتير في حساب أول يوم من رمضان...و بالتالي بنغلط في حساب الليالي الفردية معلش هي كلها 10 ليالي نعتبرهم كلهم ليلة القدر و نحاول و نعبد ربنا بنفس الهمة في الليالي الفردية و الزوجية.
فضل ليلة القدر: ذكر الله سبحانه و تعالى أن ليلة القدر خير من ألف شهر، و معنى ذلك أن الصلاة فيها أفضل الصلاة في ألف شهر، و العمل فيها أفضل من العمل في ألف شهر ألف شهر = 83.33333333333 (يعني تقريبا 84 سنة) تخيلي لو تصدقتي في اللية دي تاخدي أجر الصدقة لمدة 84 سنة متواااااصلة لو صليتي ركعتين كإنك بقالك 84 سنة متواصلة بتصلي تطوع لو حضرتي درس دين في التلفزيون مثلا تاخدي أجر حضور درس دين و مجلس علم مدة 84 سنة متواصلة لو تبسمتي في وجه أختك المسلمة تاخدي أجر التبسم في وجه مسلم 84 سنة متواصلة لو بستي إي دمامتك أو بباكي كإنك بتبوسيها 84 سنة متواصلة....إلخ
فكل وحدة فينا تقعد مع نفسها و تشوف هي نفسها في إيه و تاخد أجر إيه و تكتبهم على شكل نقاط مثلا: قراءة قرأن مراجعة شيء من القران غيبا الصدقة و لو بربع جنيه بس المهم نخرجها كل ليلة ولو مش بنخرج من البيت ممكن نعطيها لإخوانا أو والدينا أو حتى جارة قريبة تقبيل يد والدي حضور درس دين إرسال رسالة خير عبر مسجات الموبايل أو الميل الاستغفار و التسبيح و ذكر الله الدعاء الابتسامة في وجه أختي تنظيف حذاء و الدي (ربنا يكرمكوا)....إلخ
طبعا ده نموذج بسيط من تجربة بسيطة قابل للتغيير و الإضافة ... و ياريت لو في أي اقتراحات تانية تكتبوها علشان الفائدة تعم الجميع أسأل الله أن ينفعنا بما علمنا ياريت التقييم علشان الفائدة تعم الجميع و الدعاء بظهر الغيب ليا و لجميع المسلمين بحبكم في الله | |
|
فتاة مصرية بنوتة زى السكر
نقاط : 48994 مشكـورة : 8
| موضوع: رد: جدول لبرنامج يومي بسيط و مفيد في رمضان (تجربة شخصية) الأحد يوليو 17, 2011 5:49 am | |
| | |
|
سمر نائبة المديرة
نقاط : 50646 مشكـورة : 21 عمـري..~ : 05/03/1999
عمرى : 25
| موضوع: رد: جدول لبرنامج يومي بسيط و مفيد في رمضان (تجربة شخصية) الأحد يوليو 17, 2011 9:16 pm | |
| | |
|
ديومة احلى بنوتة مشرفة
نقاط : 47801 مشكـورة : 7 عمـري..~ : 26/01/1999
عمرى : 25
| موضوع: رد: جدول لبرنامج يومي بسيط و مفيد في رمضان (تجربة شخصية) الثلاثاء يوليو 19, 2011 9:22 am | |
| | |
|
journalist nor ّالمديـرة العـامةّّ
نقاط : 53745 مشكـورة : 49 عمـري..~ : 18/07/1997
عمرى : 26
| موضوع: رد: جدول لبرنامج يومي بسيط و مفيد في رمضان (تجربة شخصية) الثلاثاء يوليو 19, 2011 11:50 am | |
| | |
|