السلام عليكم
كل عام وانتم بخير
المدرسة قربت جدا تقريبا فاضل عليها شهر الا كام يوم
واحنا المفروض نستعد استعداد كااامل ليها
هنتكلم النهاردة
عن
الاستعداد لاول يوم مدرسة وهنقول فيه هنعمل ايه اول يوم مدرسة
وهنقول نصايح عشان تبقى محبوبة وشطورة فى المدرسة
يعنى من الاخر هنقول كل حااااجة تخص الاستعدادات
بسم الله نبدا
طبعا كلنا عارفين ان المدرسة هتبدا 15-9-
2012
فا لازم نستعد من قبلها
اولا
لازم نجيب لبس المدرسة ابتداء من الاسبوع الجاى
ونجيب شنطة المدرسة
والمقلمة
والادوات بتاعة المدرسة
وطرح المدرسة (لو انتى محجبة )
وتوك واكسسوارات شعر لو انتى مش محجبة
وجزمة مدرسة جديد (كوتش-جزمة)
ومتلبسيش صندل او شبشب خروج ف المدرسة اوعو بيبقى شكله بلدى اووى ومش حلو ابداااا
وطبعا هاتى الطرحة تكون لايقة مع اليونيفورم بتاعك
انا مثلا اليونيفورم بتاع مدرستى لونه وردى (فيست) هجيبله طرحة بينك وتحتها بطانة بيضة مثلا
فى ناس اليونيفورم بتاعهم رمادى تيجبو الطرحة رمادى
وهــكذا
و وانتى فى المدرسة بقى :
1- متتكلميش بصوت عالى ابدااا
2- متاخديش الموب بتاعك معاكى ولو مضطرى تاخديه لاى ظروف اقفليه خاالص
3- تكلمى اساتذتك باحترام واوعى تتكلمى معاهم بطريقة وحشة
4- لما الاستاذ يسال سؤال عشان تجاوبى متقعدين تتنططى ف الديسك
وتزعجى الاستاذ وتزعجى زمايلك وتعملى دوشة على الفاضى وبالطريقة ده
كلهم هيكرهوكى وهيقولو عليكى مش مؤدبة و مش منظمة وعلطول همجية
لازم تجاوبى باحترام وبصوت مسموع (مش عالى خاالص ولا واطى خااالص)
وتحطى ايدك كدة على الديسك بهدوء خاالص والاستاذ لو عاوزك تجاوبى هيقولك
5- تاخدى دايما معاكى المقلمة بتاعتك وتكون ادواتها كاملة ونضيفة ومش مكسرة وشكلها وحش
ومتستعمليش حاجة حد ومتديش حاجتك لحد (اقصد ادواتك)
6- لو حد طلب منك مثلا منديل خليكى كريمة معاه واديله بدل واحد اتنين عشان يحبوكى صدقينى
7- متتراخميش على زمايلك وتحسسيهم انك احسن منهم ومتتكبريش على حد مهما كانت الاسباب
8- خليكى دايما نضيفة ولبسك مكوى ونضيف وشوزك نضيفة متلمعة
وطرحتك مش مكرمشة
والتزمى باليونيفورم بتاعك
وادواتك كاملة معاكى دايما
متنسيش كتبك, مقلمتك نضيفة ومغسولة , كراريسك نضيفة وفيها استيكر
وخطك واضح وجميل ومسطرة كراستك ومنظمة كل حاجة
وده كانت النصايح
هنعمل ايه بقى ف اول يوم مدرسة ؟
هنقول كل حاجة خطوة خطوة
بسم الله
1- هنجهز شنطتنا من اليوم اللى قبليه اللى هيكون فيها
(كتبك, كراستك, مقلمتك, مصروفك , اكلك , المية بتاعتك , ليب بالم, كريم مرطب, جل معقم, مناديل وايبس , مناديل عادية , )
2-هنكوى هدومنا من اليوم اللى قبليه بردو (الطرحة بتاعتك - اليونيفورم)
3- هنلمع الجزمة بتاعتنا او الكوتشى زى ما تحبى
4- هننام كدة واحنا متطمنين ومتتاخريش ف النوم اخرك على الساعة 10 كدة عشان تنامى وكويس وتصحصحى
5- هنصحى على الساعة 6 مثلا
6- هندخل التواليت دش (دافى ,بارد) ونغسل سناننا كويس
ونطلع من الشاور هنلبس اليونيفورم والطرحة ونسرح شعرنا كحكة (تحت الطرحة يعنى) لو انتى محجبة
و نعمل الطرحة بتاعتنا لفة حلوة ومتنزليش قصة من ال
طرحة
ولا تنزلى منها ديل حصان ولا ضفيرة
اصلى بشوف اشكال ما يعلم بيها الا ربنا
7- هنكون خلصنا لبس ولف الطرح وكدة
هنحط كريم مرطب على الايد والوش
وليب بالم وليب جلوس شفاف (لو تحبى يعنى)
ولو عندك هالات سودة استعملى كريم للعين
كل يوم وتحطى فوقيه كونسيلر عشان يبقى شكلك فريش
انا بحب اعمل كدة بصراحة
8- اخرجى من قوضتك بقى واشربى مثلا (شاى , كابتشينو , نيسكافيه , نعناع , ينسون) اى مشروب حلو او لبن
9- كلى اى حاجة مثلا تفاح او برتقان او سندوتش مثلا
كدة يعنى
10 - ارغى شوية مع مامتك مثلا لحد ما السواق اللى بيوصلك ييجى وانزلى
روحى المدرسة اتكلمى مع صوحابك قبل الطابور وسلمى عليهم وسلمى على
اساتذتك وكدة و اقفى فى الطابور وركزى فيه مترغيش مع اللى جمبك واللى
قدامك واللى وراكى والكلام ده احنا داخلين على سنة جديدة
خلي بدايتها حلوة بدل ما تاخدى كلام مش حلو من اى استاذ واقف وشافك وانتى مش مركزة فى الاذاعة المدرسية مثلا
11- اطلعى الفصل بتاعك بهدوء وبنظام ومتزحفيش برجلك فى السلم انتى بنت مش ولد
12- اطلعى اقعدى فى الديسك بتاعك وامسحيه بمنديل وايبس عشان يبقى معقم ونضيف كدة وحلو
13- حطى شنطتك جمبك على الدسك او على الارض جمبك اى حاجة يعنى كلو يمشى ^_^
14- طبعا المدرسين ممكن يكونو اتغيرو وساعات لا
فا خليكى هادية علطول عشان يحبوكى ومترغيش فى الحصص ابدااا وخلى الكلام ده للفسحة اعملى اللى انتى عوزاه فيها
والمدرس بعد ما يعرفكو بنفسو بيقول اللى ينفع تعملو فى حصته واللى مينفعش
فا التزمى باللى يقول عليه واسمعى كلامه
15- خليكى رقيقة وهادية وبتسمعى الكلام وشاطرة فى المدرسة عشان البنات يحبوكى ويصاحبوكى وتكونى صداقات اكتر
وملحووظة: اسمعى كلام مدرسينك واعملى الواجب عللطووول وزاكرى
دروسك كوويس اووى و افهمى اللى بيقولو المدرس ولو مفهمتيش قوليله اان
مفهمتش الحتة ده وهو هيعيدها تانى لكن ما تخرجيش من الحصة منتش فاهمة
لان ده اكبر غللط
ومتنسيش تعملى واجبات الدروس الخصوصية وكدة يعنى
ومتنسيش كراساتك وكتبك
وف الاخر اتمنالكو عام دراسى جميل وممتع
و
متنسوش التقييم
والردود
وهكمل نصايح للمزاكرة بس لو لقيت تشجيع منكم
سلااااااام
