بسم الله الرحمن الرحيم
السلام عليكم ورحمة الله وبركاتهالمقادير
3 جوز حمام
حوالى نصف كيلو ارز
معلقة سمنه ومعلقة زيت
كبد وقوانص الحمام مقطعه مكعبات
بهارات وملح
زيت للتحمير
الطريقه بالصور
اول حاجه نغسل الحمام كويس
[ندعوك للتسجيل في المنتدى أو التعريف بنفسك لمعاينة هذه الصورة]وبعدين نغسل الكبد والقوانص والقلوب كويس ونقطعهم علشان هنحطهم مع الرز اللى هنحشى به الحمام
[ندعوك للتسجيل في المنتدى أو التعريف بنفسك لمعاينة هذه الصورة]وبعدين نجهز الارز وانا من تجربتى مع الحمام بعمل حسابى ان الحمامه الواحده تاخد ملو ايدى ارز كده
[ندعوك للتسجيل في المنتدى أو التعريف بنفسك لمعاينة هذه الصورة]ولو انتى عايزه تكترى , عادى اللى هيتبقى هتسويه ويتاكل جمب الحمام
المهم انا هحشى 6 حمامات ولكن مليت ايدى ارز 8 مرات
لانى بعمل حساب لو ارز لزق وانا بسويه مثلا
ودى كمية الارز اللى عملتها بالظبط تقريبا ييجى نصف كيلو
[ندعوك للتسجيل في المنتدى أو التعريف بنفسك لمعاينة هذه الصورة]واول ما يسيحوا نغسل الارز ونحطه كده
[ندعوك للتسجيل في المنتدى أو التعريف بنفسك لمعاينة هذه الصورة]ونقلب الارز مرتين مثلا ونحط عليهم الكبد والقوانص اللى انا جهزتهم
[ندعوك للتسجيل في المنتدى أو التعريف بنفسك لمعاينة هذه الصورة]وبعدين نقلبهم شويه وبعدها تحطى البهارات اللى انتى نفسك فيها كلها
انا حطيت كمون وفلفل وقرفه ونعناع
والملح طبعا نحطه معاهم
[ندعوك للتسجيل في المنتدى أو التعريف بنفسك لمعاينة هذه الصورة]وبعدين انا غليت شوية ميه على العين الصغيره فى البراد
وزودت الارز بكمية ميه صغيره
لان احنا عايزين الارز نصف سوا
يعنى هتحطى ميه تقريبا نصف الكميه اللى لو حطتيها الارز هيستوى
وده شكل الارز بعد ما حطيتله شوية ميه مش كتير
[ندعوك للتسجيل في المنتدى أو التعريف بنفسك لمعاينة هذه الصورة]وحطيت الصينيه دى على العين الصغيره ووطيت النار لحد ما الميه اتشربت واصبح الارز دلوقتى نصف سوا وجاهز لحشو الحمام
[ندعوك للتسجيل في المنتدى أو التعريف بنفسك لمعاينة هذه الصورة]ودى صوره قريبه اوى من الخلطه علشان تاخدى بالك الارز لونه بنى وشكله جميل
[ندعوك للتسجيل في المنتدى أو التعريف بنفسك لمعاينة هذه الصورة]وطبعا انا مش بحب احط لخلطة الحمام طماطم او صلصه او بصل مثلا
لان لما تحطى الارز مع السمن والبهارات وكبد وقوانص الحمام فقط
الارز بياخد طعم ولون الحمام خالص
وتاكلى الارز اللى فى الحمامه وكأنك بتاكلى لحم الحمام نفسه
لان مفيش اضافات للخلطه كتيره تخليه ياخد طعم تانى
علشان كده الطريقه دى بحب اعملها اوى
دلوقتى انا بحشى الحمامه من فوق ومن تحت يعنى بحشى بطنها من تحت وبحشى ظورها من فوق وطبعا حاولى ما تمليهاش اوى لان الارز هيزيد جواها
[ندعوك للتسجيل في المنتدى أو التعريف بنفسك لمعاينة هذه الصورة]وبعد ما تحشى الحمام كله لو عندك خله اقفلى بيها الحمام وخلاص
ولكن انا ما عنديش خله وبصراحه بخيط الحمام من فوق ومن تحت كويس
بخيط ابيض علشان الارز ما يطلعش وهو بيتسلق
وده شكل الحمام بعد ما اتحشى واتخيط
[ندعوك للتسجيل في المنتدى أو التعريف بنفسك لمعاينة هذه الصورة]وطبعا قبل ما ابدأ احشى الحمام بكون ولعت البوتاجاز على ماء للسلق
وحطيت فيه بصله وملح وفلفل وحبهان وقرفه
هو مش بياخد سوى كتير
واول ما الماء غلى حطيت الحمام علشان يتسلق كده
[ندعوك للتسجيل في المنتدى أو التعريف بنفسك لمعاينة هذه الصورة]وبعد كده حمرته فى الزيت وبعد ما اتحمر فكيت الخيوط اللى فيه
وده شكله النهائى
[ندعوك للتسجيل في المنتدى أو التعريف بنفسك لمعاينة هذه الصورة]وعملت جمبه ارز بشعريه عادى وسقيته من شوربة الحمام
ودى صورته بعد ما حطيته على الارز ابو شعريه
[ندعوك للتسجيل في المنتدى أو التعريف بنفسك لمعاينة هذه الصورة] 
