اول مسلسل كتابى على انا بنوته(محاكمه حب)

هااااااااااى بنوتاتى انا العضوة الجديدة مادوكا
ويشرفنى انى اكون صاحبه اول مسلسل كتابى على انا بنوته
وانا بأذن الله هكون مع نانا 1997
انا هكتب تعريف الشخصيات وهى هتكتب الحلقة الاولى
تعريف الشخصيات
احمد بطل القصة دكتور جامعى كلية صيدلة مسلم .اجتماعى .متدين.
لقاءبطله القصة طالبه جامعية كليه صيدله مسيحية .اجتماعية.رومانسية اوىمن جوه. وشديدة جداً من بره
باقى الشخصيات فى القصة

يلا مين اللي عايز الحلقة الاولى

الحلقة الاولى
احمد صحى من النوم على صلاة الفجر
احمد : يا رب بحق اذانك ارزقنى ببنت الحلال اللى ترضيك وتخلى بالها منى ومن ابنى وارحم والدى ومراتى واهدى اخويا يا رب واشفيلى ابنى يارب
وعند تذكرة لابنه دمعت عيناه وقام لصلاة الفجر وقعد يقرا قران وبعدين راح يحضر الفطار علشان يفطر وينزل
وبعد ما فطر دخل علشان يلبس وينزل كالعادةالساعة 6 فى اول يوم دراسى جديد
..................................................
ميرنا اخت لقاء تمشى على طراطيف رجلها وتيجى عند ودن لقاء وتصرخ
ميرنا : يلا يالـــولا علشان الجامعه
ميرنا(اخت لقاء التوام)
لقاء بفزع : يخرب بيتك يا ميرنا مفيش مرة اصحى بالراحه
ميرنا :قومى من اولها كسل كده
لقاءرمتها بالمخده : طيب يلا اطلعى من اوضتى
وقامت من السرير اتشطفت ولبست علشان تروح الجامعة
وخرجت من الاوضة ولسه هتنزل
ميرنا: طيب افطرى زى مخاليق ربنا
لقاء :طيب ما فى مخاليق ربنا بتنزل من غير فطار ويلا علشان اوصلك بعربيتى بدل ماتروحى بتاكسى
ميرنا: بتذلينى علشان عربيتى فى التوكيل
لقاء :يوووووووووووه انا مخنوقة ومش عايزة اتأخر
ميرنا: طيب مينا مش جاى معانا(اخوهم الاكبر منهم )
لقاء :لأ يروح بعربيته
ميرنا: طيب يلا
ونزلوا مع بعض وهما نازلين قابهم جرجس جارهم(فى نفس سنهم)
جرجس :ازيكوا "بحنان" ازيك يا لقاء
ميرنا : ازيك يا جرجس
ولكزت لقاء فى جنبها
لقاء بخنقه: ازيك.....معلش بقى علشان متأخرين
جرجس : طيب ممكن اوصلكوا فى طريقى
لقاء بخنقة ونفاذ صبر: شكراً معايا عربيتى
واخدت ميرنا ومشيوا
..................................................
احمد وصل مكتبه قبل المحاضرة بنص ساعة
محمود" صاحب احمد اوى":جاى معادك مظبوط
احمد بهزار: قر عليا لغاية مجيش خالص
محمود : ماشى يا عم هزر هزر ....بقولك!
احمد: ايه!
محمود: قررت ايه فى موضوع البعثة دى فرصة متتعوضش
احمد: مش عارف يا محمود ...........يحيى فى المستشفى والورم اللى فى مخة محتاج استئصال بس للأسف الاوان فات على الجراحه .......... واخويا اديك شايفة كل يوم بسحبه من الاسم بتهمه شكل
محمود بغم: الله يصبرك يابنى على اللى انت فيه انا مش عارف انت عايش ازاى وسايب ابنك كده
احمد : اهى كلها ابتلاءات وانا مؤمن بالله وابنى بين ايدين ربنا مقدرش اعمل له حاجه وبدعى ربنا يشفيه ويعافيه وهو ارحم بيه منى
وبدأ احمد يدمع
محمود: ربنا يشفيه يااحمد
احمد : عالم بحالى وغنى عن سؤالى
محمود محاولاً تغيير الموضوع : اوعى تنسى فرح مدحت النهاردة(صاحبهم من زمان)
احمد : هو الفرح فين ؟
محمود: فى الكنيسة اللى جنب بيته
احمد : طيب انا عندى محاضرة
وراح احمد المحاضرة وبعد كده راح المستشفى اللى فيها ابنه ودخل عليه
احمد: سلام عليكوا يا بطل
يحيى : بابا
احمد: ازيك ياعيون بابا
يحيى ببرائه: مش تسيبنى تانى يابابا
احمد بحزن حب يدارية ورا ضحكة :حاضر ياروح بابا
يحيى :بابا يحيى بيحس بصداع جامد ويفضل يعيط بس دكتورة علا بتلاعب يحيى وتخليه يسكت ومش يعيط
احمد لعلا: متشكر اوى يا دكتورة
علا بسعادة : ابداً يادكتور ده واجبى ......عن اذنكوا






وهنعرف اية اللى حصل الحلقة الجاية

يلا عايزين تشجيع

ربنا معاكى يا بنات اين الحلقة لتانية انا مشتااااااااااقة

حاضر من عيوني بس عايزيين تشجيع والحلقة التانية ممكن على بالليل ومنوراني يا زهورتي

منتظــــــــــرة بفارغ الصبــــــــــــــــــر

يلا انا معاكو يا بنااات وربنا يوفأكو بالنجاح ان شاء الله
وان شاء الله انا كلمت نورة انى كمان هنزل كتاب قريب
وربنا يرفع اسم المنتدى كمان وكمان

اين التكملة يا بناااااااااااااااااااااااااااااااااااااااااااااااااااااااااااات

الموضوع رائع بس فين التكملة يلا موفقين ان شاء الله

بانتظاركم لا تتأخرو بليييييييييييييييييييز

فييييييييييين الحلقة سهيلة دووووووول
بيقفلوا التلفزيون فى وجهينا وبيتاخروا كمــــــــــــان

أنا أسفة على التأخير بس والله ظروف الحلقة هنتزل دلوقتي

يحيى كان فرحان اوى مع باباه اما احمد كان بيفكر فى حياته وبيفتكر ساعة ماكان داخل بيته من ست سنين:
احمد: انا رجعت ياماما
مامته:حمد الله على سلامتك يابنى انا كنت عايزاك فى موضوع مهم
احمد:خير ياماما
مامته: خير يابنى
انت خلاص يابنى اتخرجت من الجامعة وبقيت دكتور محترم وان الاوان افرح بيك يابنى وانا لقيت لك العروسه المناسبة ليك واحده بنت ناس طيبين اسمها سهام امها صاحبتى اوى وهى متربيه ومتعلمة وجميله وانا عايزة افرح بيك يابنى قبل ما اموت
احمد: بس يا امى..........
ماما : مفيش بس ولا انت عايز تعصى امرى
احمد بسرعة : لا يا امى ما عاش ولا كان ..........حاضر يا امى امرك نافذ
فرحت الام وراحت علشان يتقدموا وتمت الخطوبه والجواز بعدسنتين ربنا رزقهم بيحيى وفى يوم خطوبه اخت سهام ركبت ام سهام مع ام احمد وسهام ويحيى واللى ساق ابو احمد
وشاءالله انهم يعملوا حادثةويموت كل اللى فى العربيه الا يحيى اللى حصلوا ورم فى المخ بسبب الحادثة واللى عايش بيه لغايه دلوقتى
انتزع احمد من شرودة صوت الممرضة تقول له: مش كفاية كده؟
يحيى ببراءة : لا يابابى متسبنيش علشان يحيى مش ييجى له الصداع تانى ويبكى
احمد نزلت من عينه دمعة على حال ابنه
يحيى: خلاص يابابى مش تبكى
ويقوم يحيى يمسح دمعة باباه ويحضنه ويقوم احمد غصب عنه ميحط يحيى على السرير علشان ينام ويبوسه ويغطية ويطلع بره الاوضة

الحلقة دلوقتي علشان خاطر نور حبيبة قلبي وطبعا أنتوا كمان

الحلقة الثالثة
محمود بيتصل بأحمد:
محمود فينك ياعم انا قدام باب الكنيسة
احمد طيب شوفتك اهو وجاى حالاً
احمد وهو ماشى خبط فى واحدة ووقع منها الموبيل
احمد: انا اسف (وبص فى عنيها وسرح)
البنت :ولا يهمك (وبصت فى عينه وسرحت)
محمود شاف احمد
محمدو :يلا ياعم روميو
البنت اتكسفت واحمد بص لمحمود
وبص للبنت
احمد:انا اسف مرة تانية ولسة جاى يوطى يجيب الموبيل راحت وطت علشان تجيبه ولمس ايديها
فى اى موقف تانى احمد كان هيسحب ايده لكن حس بكهربه غريبة وبص لها وقال :
احمد: اتفضلى
البنت :شكراً
محمود : ما تنجز يا عم احمد
احمد:............................
اخت البنت : يلا يا لقاء
لقاء :حاضر ياميرنا
وسابت احمد ومشيت
احمد لمحمود :اية يابنى احرجت البنت
محمود مقلداً احمد:احرجت البنت مانت بقالك ساعة واقف معاها كنتوا بتقولوا ايه؟
هاهاهاها يلا قولى يلا !!!!!!!
احمد: افصل يابابا افصل ياحبيبى واهمد
وراحو يباركوا لمدحت وروحوا واحمد مش راضي ينسى شكل لقاء اللى كان شبه الملايكة
وبعدين احمد افتكر يحيى واخوه لانهم هما اللى فاضلين ليه من الدنيا وقعد يفتكر كلام والدته ليه وكمان مراتة وافتكر والده
وقطع تفكيرة صوت التليفون :
احمد:الو
المتصل:....................








ياترى ايه اللى حصل؟
ومين المتصل ده ؟
تابعونى فى الحلقة اللى جاية
وعايزة ردود ها
عايزة توقعات يابنات عقبال ما أنزل الحلقة الرابعة ومعلش بنزل مكان مادوكا علشان عندها ظروف

اولا انا عايزة اقولكم انكو ابدعتو كالعادة انا حاسة انى شايفة المشهد

ادام عنايا ثانيا الواجب اصدى الاسئلة (معلش اصلها بتفكرنى

بالمذاكرة ) بالنسبة لاحمد هوا حب لقاء وهيا كمان حبتو وانا اتوقع

انى الى اتصل هوا يمكن1 اخو احمد 2 المستشفى 3 الممرضة بتاعت

ابنو على العموم مستنية التكملة بفااااااااااااارغ الصبر وتقبلو

مرووووووووووووووووووووووووووووووووووووووورى

هتعرفوا دلوقتي

للأسف مش دلوقتي معلش والله هحاول في أي وقت

الحلقة الرابعة

احمد : الو

المتصل :ازيك ياأحمد

احمد :مين معايا؟

المتصل:مش عارف صوتى .............انا ريم

احمد اتضايق :ريم.......فى حاجة؟

ريم:احمد انت مش جيت ليه زى ماطلبت منك؟

احمد:اجى فين ؟ انتى مجنونه؟

ريم : مجنونه بيك

احمد: ريم ......لولا انك صاحبة المرحومه سهام لكنت........

ريم مقاطعة:لكنت ايه ؟انا بحبك بجد

احمد :انتى انسانه مش محترمه ومتربتيش

ريم بصراخ:اشمعنى اتجوزتها هى وانا لأحتى بعد موتها مع انى احلى منها مليون مرة

احمد:انتى ملكيش الحق تتدخلى فى حياتى مرة تانية.......فاهمه

وقفل السكة فى وشهاوهو متضايق منها وافتكر يوم ما المرحومه مراته عرفته عليها ورجع بالزمن للوراء

احمد راجع من الشغل تعبان ودخل البيت لقى واحده غير محجبة ولبسها غير محتشم على عكس سهام

احمد:السلام عليكم

سهام والبنت: وعليكم السلام

سهام :اعرفك ياأحمد ريم صاحبيتى وكانت مسافرة امريكا ورجعت اول امبارح وجت تباركلى

احمد بابتسامة خفية للتحية :اهلاً وسهلاً

ريم:hi

احمد :انا داخل اغير هدومى بعد اذنكوا

سهام: اتفضل

ريم:sure

احمد:سلام عليكم

ريم:see you

احمد اتضايق ودخل الاوضة وفير هدومه وبعد ما مشيت ريم

سهام:مالك ياحبيبى متضايق من ايه؟

احمد:مفيش

سهام: هتخبى عليا يااحمد

احمد :مفيش ياسهام انا تعبان شويه .هدخل استريح .عن اذنك

سهام:اذنك معاك.اتفضل

ورجع احمد للواقع على صوت الباب وهو بيخبط وبص فى الساعة وعرف انه نام على الكرسى نوم عميق

وراح احمد يفتح الباب لقى اخوه رامى وشكله محشش

رامىدخل وقفل الباب

احمد:كنت فين؟

رامى : كن .......... كنت ع...عند واحد ..صا...صاحبى

احمد:انت كداب .......... انت كنت بتحشش فى الغرزة اياها انت والشلة الخربانه بتاعتك

رامى:يا احمد ك...........كفاية كده

ودخل الاوضة ونام

اما احمد فكان قاعد يفكر فى حال اخوة واللى حصله بسبب موت حبيبتة

ويفتكر ايام كان رامى ملتزم بتعاليم الدين وبيحافظ على الصلاة وفى يوم............................................... ................

هنعرف ايه اللى حصل فى الحلقة اللى جاية

ها عايزة أراء
بس للأمانة مادوكا هي اللي كاتبة كل اللي فات
وعايزين توقعات وتشجيعات علشان بكرة حلقة مميزة أن شاء الله من مادوكا

مبدعتان كالعادة الحلقة رووووووووووووعة وانتو ارووووووع

بالنسبة للتوقع انا اتوقع ان حبيبة رامى ماتت او سابتة او اجوزت

يعنى حاجة وحشة وخلاص تخليه يكتئب


انتو اروع من الروعة

مستنياكو يلا لا تتأخرو وتقبلو مروووووووووووووووووووووورى

مسلسل راااااااااااااااااااائع
كملى يلا

ليش هذا التأخيير يلا كملى ارجوووووووووووكى انا متشوقة

انا آسفة يابنات النت بيفصل كتير عندى هحاول اعوض بأذن الله