فين الحياء؟؟فين الاحترام؟؟...دا انا مسلمة!!!!

[ندعوك للتسجيل في المنتدى أو التعريف بنفسك لمعاينة هذه الصورة]



حبيت ابتديها بالدعوة دى..
ربنا يهدي بنات المسلمين جميعاً..

قبل كل حاجة ..انا بأرجوكوا تاخدوا الكلام دا منى عن طيب خاطر وتفتحولى قلبكوا وتقروا كلامى مش كزهرة عادية او بنى آمة ملكوش فيها
لأ..كاخت ليكم وربنا يعلم قد ايه بحبكم وكلامى دا عشان مصلحتكم ومصلحتى
انتوا مش حاسين ان فى حاجات كتيرة بنعملها غلــــط!!
مش ملاحظين ان احنا بنقلد الغرب فى حاجات كتيرة !!
كام واحدة فينا قدوة لغيرها؟؟
كام واحدة فينا نموزج مشرف للبنت المسلمة؟؟
كام واحدة فينا مثالية جدا وواثقة فى نفسها؟؟
فى لبسها وشكلها وتصرفاتها

انا مسلمـــــــة!!!

كلمة كبيرة اوى
جميلة اوى
غالية اوى اوى اوى

لكن مش كلنا بنقدرها..
مش كلنا بنتصرف تصرفات البنت المسلمة المحترمة المؤدبة اللى عندها حياء..

انا عملت الموضوع دا عشان حبيت اقولكم انى خلاص..
مش هسكت على نفسي كدا!!!

انا مؤدبة وبصلى ومش بلبس ضيق ومش بزعق لماما ومش بزعل صحابى
مش دا الكلام اللى انتى بتقوليه؟؟
الكلام دا نابع من جواكى؟؟
حاسة ان كل حاجة فى دول بتديها حقها؟؟

احنا وحشين..وحشين اوى اوى اوى....

كلامى ممكن يدايقكم بس انا باتكلم بصراحة..
انا زعلانه على حالنا جدا..
بجد انا خايفة عليكوا وعلى نفسى اوى
نفسي نبقى كويسين ونتقابل فى الجنة
نفسي نعمل حاجة لبعض تكون سبب فى دخولنا الجنه

منفسكيش فى كدا؟؟

فى بعض الحاجات لفتت انتباهى..
لاحظت ان كتير مننا بتعملها..سواء مش واخده بالها انها غلط وحرام
او بالنسبه ليها حاجة عادية..

و هكتبلكم بعض منها
بس بالله عليكم بالله عليكم نحاول على قد مانقدر ونبذل قصارى جهدنا اننا نتغير..نقرب من ربنا اكتر
نبقى حد تانى
انا عاوزة الغى ياسمينا القديمة دى عشان فيها وحش..
عاوزة ابدلها بياسمينا جديدة فيها كل حاجة حلوة..كل حاجة ربنا امرنى بيها..
هتقدرى؟؟
اللى هقدر عليه هعمله..
ححاول انى اتغير ويكفينى شرف المحاولة عشان فى كتير مش عاوزين ياخدوا الخطوة دى..

انا كنت متحمسة اوى من اول الاجازة انى اتغير وكان نفسي نبقى كلنا سوا
بس للاسف ملقتش تشجيع بالعكس انتوا اصبتونى بالاحباط مش بهزر
وفضلت ياسمينا القديمة..بس لا.. دا اخرها معايا
يا هتتعدل وتمشى على الصراط المستقيم وتعمل اللى ربنا فرضه عليها ورسولها امرها بيه..يا تولع بقى وتتوه فى دوامة ماتعرفش تخرج منها..



انا حتكلم فى بعض النقاط مش كلنا بنعملها ولا انا باعمل كل الحاجات دى لكن هتكلم عن نفسي وهتاخدوا الكلام ليكوا انتوا كمان..عشان اخطائنا بتكمل بعضها وتصرفاتنا الكويسة بردو بتكمل بعضها..






انا ليه بالبس كعب؟؟
ليه كل مامشى اقعد اطقطق بشوزى واصدر صوت
والصوت دا بالذات طبعا انتوا عارفين بيلفت الانتباه ويجذب الاسماع..
المؤلم هو أن ترى الفتاة تسير وتُسمعكـ قعقعت نعالها !!
ولا كأن الله سبحانه وتعالى قال :
{ ولا يضربن بأرجلهن ليعلم ما يخفين من زينتهن‏ }
يعنى ربنا حذرنى منه؟؟
ومع ذلك بالبسه؟؟
اه اصلى قصيرة؟؟
طيب ربنا اداكى القصر عشان يمتحنك..هترضى بقصرك ولا هتحاولى باى شكل تبقى طويلة وهيفا؟؟
بجد يا بنات حررررررررام..شوفتوا حاجة بسيطة قد ايه لكن بيها هنشيل ذنوب كتيييييييرة .. احنا بنحاول نشيل نفسنا ذنوب من الهوا..






انا ليه بحط بارفان وانا ماشية فى الشارع؟؟
ريحتى تبقى فايحة كدا...اه مش احسن مابقى ماشية مارحتيش حاجة او رحتى مش حلوة!!
ريحتك مش حلوة ليه؟النضافة من الايمان يعنى مفيش مبرر يخلى ريحتك مش ظريفة وتحتاجى لبرفان
طيب مش دا زنا؟؟
يعنى لو راجل ماشى فى الشارع اللى انتى ماشية منه وشم ريحة البرفان الفيحاء دى هيبقى موقفك ايه من ربنا؟؟

لما البنت تمشى وتفوح منها رائحة عطرها !!
ولا كأن النبي صلى الله عليه وسلم قال :
( أيما امرأة استعطرت فمرت بقوم ليجدوا ريحها فهي زانية )


قال رسول الله " إذا خرجت إحداكن إلى المسجد فلا تقربن طيبا" رواه مسلما





نا ليه بلبس بناطيل اسكينى واسلام؟؟
عاوزة ابين عصاعيصى وخلاص؟؟
اقول للناس شوفوا انا سمباتيك ورقة ازاى؟؟
ويبدو انه حتى التخان بيمشوا اللبس هينفجر من عليهم
ليه بالبس بادى لااااااااازم مفصل كل حاجة ومجسم عليا؟؟
انا ماعرفش اللبس الشرعى شكله ايه؟؟

شروط اللباس الشرعي و الأدلة من الكتاب و السنة :

1- استيعاب جميع البدن (على خلاف بين العلماء في الوجه و الكفين ليس هذا موضعه)

2- ألا يكون زينة في نفسه

3- ألا يكون معطرا و لا مبخرا

5 .4- أن يكون فضفاضا لا يصف ، و سميكا لا يشف

فينا كام واحدة بتلتزم بكدا؟؟؟
ربنا يهدينا جميــــــــعا








انا ليه باخرج قصة من الطرحة؟
حلو اوى شعرى حابة ابينه؟؟
انا ليه باقف فى البلكونة بشعرى مش ممكن حد يشوفنى؟
مش شعر المرأة عورة..!!!
انا ليه لابسة حجاب اصلا طالما فى ناس ماعرفهمش بيشوفوا شعرى؟؟
انا قريت قبل كدا..انه طالما بينتى جزء منك متعمدة حرام شرعا انه يظهر يبقى ارخص حاجة انتى بتملكيها....
يبقى ليه اللى يسوى واللى مايسواش يشوف التاج اللى على راسى؟؟
وخصوصا لو جميل وناعم يعنى مش هفرح وازقطط بيه
لا اللى شعرها زى السلكة ومدارياه عشان ربنا احسن منك قدام الناس وقدام ربنا
ع الاقل احترمت نفسها واللى حواليها..

انا تقلت عليكوا جدا..

وبجد باعتذر يارب مايكون كلامى تقيل عليكوا

بس بعد ماقريتوا الجزء دا ياريت تقولولى ايه اللى بتعملوه فى الحاجات دى وايه اللى مش بتعملوه
وياترى راضية عن نفسك وحاسة انك بتعملى اللى عليكى وزيادة؟؟
ولو عندك حاجة حابة نتناقش فيها ويبقى ليكى دور فعال بردو يمكن حد يشوف ردك ويخرج بحاجة منه هتاخدى ثواب كبير جدا..
ولو حضرتك طنط وعندك نصيحة لينا يبقى جزاكى الله خيرا وفرحك بولادك..

يتبع يا بنات اوعوا تملوا من كلامى ولا تزعلوا دا انا بحبكم

منقــــــــــــــــــــول

اولا: انا عمرى ما هازعل منك يا عسل لانك دايما عايزة مصلحتنا

ثانيا: موضوع رااااااااااااااااااااااااااااااااااااائع وانتى اروع

ثالثا :اعذرينى انا مش هاقدر اقولك على الحاجات الى بعملها

لان ربنا ساترنى كل السنين دى

اجى انا بكل بساطة افضح نفسى

رابعا بالنسبة لراضيه عن نفسى فبقول لاطبعا

لو كنت باعمل حاجة صح فما تجيش الحاجة

دى ولا تسوى ادام نعم ربنا التى لا تعد ولا تحصى

خامسا : بالنسبة اذا كان عندى حاجة احب اناقشها

فانتى موضعك كافا ووفا ونص كمااااااااااااان

سادسا : بالنسبة اذا كنت طنط فأنا مش طنط

ههههههههههههه

سابعا : ارجع اقولك موضوع راااااااااااااااااااااااااااااااااااائع

ويا رب يجعالهولك فى ميزان حساناتك ان شاء الله


[ندعوك للتسجيل في المنتدى أو التعريف بنفسك لمعاينة هذه الصورة]

تسلمى يا قمر

مشكوووووور[ندعوك للتسجيل في المنتدى أو التعريف بنفسك لمعاينة هذه الصورة]