بوصو بقى بما اننا بندخل مراحل جديدة و بنروح مدارس تانيه و بنخرج وبنعمل علاقات مع بنات زينا و كدة لازم نعمل خطوات تشد اللى قدامك ليكى
بوصى 1- لازم تعمليها الابتسامة و ((الابتسامة فى وجه اخيك صدقة))
2- لازم تسمعى اللى بيكلمك دا مش كل شويه تتكلمى لا اسمعيه الاول عشان منعرفش لسة شخصيتة
3- متثقيش فى اى حد فى الزمن دا لان الزمن دا فيه ناس فلة بصراحة
4 -تتكلمى بهدوء و تنقى كلامك بشكل حلو وجميل
5- اوعى تقاطعى كلامة لو حتى كلمة محشورة فى زورك اوعى لانة بيفقد السيطرة فى كلامة ويقلل احترامة ليكى
لان انتى لما تسمعيه هيحس انك مهتمة
6- لازم يكون بينك وبينة تعاون فى حدود اللى تقدرى عليه بس لما يطلب منك عشان متبقيش فضولة ودا ماشاء الله عند فتكات كلها
7 -الله يكرمك مش كل الناس بتقبل الضحك وكدة فى ناس كئيبة شويه بس طبعا مش هتفضلى كئيبة زيهم لما تلاقى الوقت المناسب اضحكى بس من غير هاهاهاهاها الشريرة دى الضحك برقة شويه
8 -حاولى بقدر الامكان تتعاملى بطبيعتك مع الناس مش قدامهم رقيقة اوى و فى البيت حاجة تانيه و مع اصحابك حاجة رابعة متسألونيش 3 راحت فين
9 -حاولى متبقيش فضولة و خلى كلامك فى اتزان وفكرى فى اللى هتقوليه قبل ما تنطقيه
10- متكونيش لحوحة اوى عشان متحرجيش اللى قدامك وحاولى تفهميه انك عذراة لما ميقدرش ينفذها
11 -حاولى تكون مواعيدك مظبوطة متكونش متاخرة دقيقة خالص ولا مقدمة دقيقة
12 -حاولى متتكلميش كتيييير زيادة عن اللزوم عشان الناس متهربش منك
13 -خليكى متواضعة اياكى و التكبر يا فتوكة اوعى خالص ((من تواضع لله رفعة )) صح ولا ايه
