ندخل النهاردة فى موضوعنا موضوعنا له علاقة بزيارة المريض و طبعا زيارة المريض واجب بناخد عليها حسانات اول ما تسمعى ان حد عيان اجرى عليه اطمنى عليه
الغرض من زيارة المريض انك تحسسييه انو كويس وتقوليله ان حالتة شكلها كويس طبعا كدبة بس الكدب فى كدة حلال عشان يحس كدة انو بخير
1- لازم اما تعرفى بعد الشر المريض دا عمل عمليه جراحيه لازم تزوريه بعد ما يعملها بيومين عشان تتاكدى انو خلاص فاق من التخدير وكدة
2-احترمى معادك اللى محددة فيه الزيارة يا فتوكة وياريت يكون بعد الظهر عشان يستريح بعد كدة
3-اوعى تاخدى اى عيال معاكى هيعملو دوشة وهو مريض و حواليه دوشة فبلاش ازعاج
4- ياريت متلبسيش كعب عالى و انتى رايحة لسهولة الحركة وغير ذلك برضو متزعجيش المرضى بصوتوا تك تيك تك تيك
5-ياريت تاخدى معاكى هدية ممكن بوكيه ورد ممكن علبة شيكولاتة او ممكن طبق حلويات كدة وياريت متاخديش اطعمة معاكى عشان صحتو متعرفيش فيها ايه اوعى توحى بحلة محشى ورق عنب احسن اكلها انا
6-ياريت تسألى على حالتة الاول قبل الزيارة ويستعد انو يقابلك ولا لا عشان فى مرضى مش بيرضو يشوفو حد وخصوصا الايام الاولى
7-لو المريض فى اوضة ومعاه مريض تانى ياريت تقللى الزيارات عشان منزعجش المريض التانى و يفضل انك ممتكلميش فى اى حوارت حتى لو من باب الفضول
8-ياريت يا فتوكة وانتى داخلة كدة تستأذنى الاول من اسرتة انك تدخلى ولا لا عشان يكون مستعد لمقابلتك ويكون جاهز متقتحميش المكان
9-ياريت لو اسرتك كبيرة و بيزروة معاكى ياريت 2 2 يخشو ورا بعض مش كلو مع بعض و تسببوا دوشة عشان ميتخضش و يلاقى عدد كبيراوى ويتوتر
10-وانتى قاعدة مع المريض لو لاحظتى انو عايز يروح الحمام ياريت تسبيه عشان ميتحرجش
11-لما الدكتور يدخل اتركى مكانك فورا عشان يشوف شغلة
13-متسأليش عن حالة المريض اهلة بس اللى يعرفوه (بطلوا فضول بقى )
14-لما تروحى للمريض البيت ياريت متقعديش كتير عشان مواعيد اكلة وكدة عشان اهلة ميتحملوش طاقة فوق طاقتهم
15-مينفعش راجل يزور واحدة ست لسة والدة وخصوصا اول يوم عشان الاحراج
16-لو المريض طفل خدى معاكى ابنك او اخوكى لو من نفس سنة بس بشرط الالتزام بالهدوء
كدة انا خلصت ياريت اللى يعجبها الموضوع وشايف ان فيه مجهود يقيم و يرد عشان تعبت فيه والله
ودا حصرى لفتكات وبس ميسمحش نقلة و اللى عايزة اى اتيكيت تكلمنى خاص يا عساسيل
